Xarici dövlət qeydiyyat nişanlı nəqliyyat vasitələri ilə Azərbaycanda ölkədaxili sərnişin və yük daşımaları həyata keçirənlər cərimələnəcək
18 Avqust, 2023
Ölkədaxili sərnişin və yük daşımaları sahəsində dövlət nəzarətinin təkmilləşdirilməsi, bu fəaliyyət növü ilə məşğul olan hüquqi və fiziki şəxslərin mənafeyinin qorunması, eləcə də göstərilən xidmətin daha rahat, təhlükəsiz və yüksək keyfiyyətdə təmin edilməsi məqsədilə tədbirlər davam etdirilir.
Məlumat üçün qeyd edək ki, ölkəmizdə qeyri-müntəzəm daşıyıcıların qarşılaşdığı əsas problemlərdən biri xarici dövlət nömrə nişanlı avtobuslarla qanunsuz reyslərin həyata keçirilməsidir. Bu hal daşıyıcıların rentabelliliyinə ciddi zərbə vurur.
Problemin aradan qaldırılması üçün İnzibati Xətalar Məcəlləsinə dəyişikliklər edilib. 1 oktyabr 2023-cü il tarixindən qüvvəyə minəcək dəyişikliyə əsasən, xarici dövlət qeydiyyat nişanlı nəqliyyat vasitələri ilə Azərbaycanda ölkədaxili sərnişin və yük daşımalarının həyata keçirilməsi inzibati xəta hesab olunacaq. Bu cür xətaya yol verənlərə qarşı 400 manat məbləğində cərimə sanksiyası tətbiq ediləcək. Eyni xəta inzibati tənbeh almış şəxs tərəfindən təkrar törədildikdə cərimənin məbləği 1000 manat olacaq.
Digər xəbərlər
30 Aprel, 2025
Beş müntəzəm marşrut xəttinə daha yeni avtobuslar cəlb edilir
30 Aprel, 2025
18 şəhərlərarası müntəzəm avtobus marşrutu müsabiqəyə çıxarılır
29 Aprel, 2025
16 avtobus marşrutu üzrə keçirilən müsabiqələrin qalibləri müəyyən edilib
25 Aprel, 2025
Beynəlxalq yükdaşımalarda icazələrin sayı 2 dəfə artırılıb və yeni növ “İcazə blankı” icazələrin siyahısına daxil edilib
23 Aprel, 2025
Paytaxtda yeni parklanma yerləri təşkil edilib
