Bakı Beynəlxalq Avtovağzal Kompleksinin qarşısında piyadaların və nəqliyyat vasitələrinin təhlükəsiz hərəkəti təmin edilib
09 Iyun, 2023
Bakı Beynəlxalq Avtovağzal Kompleksinin qarşısındakı qeyri-qanuni sərnişindaşımanın yaratdığı xoşagəlməz halların qarşısını almaq məqsədilə Daxili İşlər Nazirliyi Azərbaycan Yerüstü Nəqliyyat Agentliyi (AYNA) ilə birgə ərazidə reyd keçirib.
Reyd zamanı yolda dayanan, hərəkətə mane olan və sərnişinlər üçün təhlükə yaradanlarla maarifləndirici söhbət aparılıb. Taksi nəqliyyat vasitələri avtovağzal ərazisindəki Nəqliyyat Qovşağında yaradılan ödənişsiz duracağa, avtobuslar isə “Avtovağzal” metro stansiyasına cəlb edilir.
Piyadaların təhlükəsiz hərəkətini təmin etmək üçün piyada keçidləri təşkil olunub, nəqliyyat vasitələrinin hərəkətini tənzimləmək məqsədilə yol nişanları quraşdırılıb və yol cizgi xətləri çəkilib.
Qeyd edək ki, müxtəlif ərazilərdə tıxacın azaldılması, yolların buraxılış imkanlarının artırılması və vətəndaş məmnuniyyətinin yaradılması məqsədilə reydlər davam etdiriləcək.
Digər xəbərlər
16 Oktyabr, 2026
218 nömrəli yeni marşrut xətti istifadəyə verilir
16 Oktyabr, 2026
“20 Yanvar” metrostansiyası və “Şamaxinka” ətrafında bəzi marşrutlar dayanacaq məntəqələrindən çıxarılır
15 Oktyabr, 2026
8 müntəzəm marşrutun hərəkəti alternativ küçələrlə təşkil ediləcək
13 Oktyabr, 2026
51, 118A və 162 nömrəli marşrutlar üzrə müsabiqələrin qalibləri müəyyən edilib
13 Oktyabr, 2026
92 nömrəli marşrutun bütün avtobusları yenilənir
