AYNA: avtobuslara yol verin!
03 Dekabr, 2024
Yol hərəkəti iştirakçıları üçün rahat və təhlükəsiz mühitin yaradılması Azərbaycan Yerüstü Nəqliyyat Agentliyinin (AYNA) başlıca məqsədlərindən biridir. İctimai nəqliyyatdan istifadə edənlərin daha çox üstünlüklərə malik olmasını nəzərə alaraq, AYNA minik avtomobillərin sürücüləri və digər hərəkət iştirakçılarına müraciət edir: avtobuslara tək dayanacaqdan çıxanda deyil, ümumiyyətlə, küçə və prospektlərdəki xüsusi ayrılmış zolaqlarla hərəkət zamanı yol verin!
Xüsusilə yol ayrıcıları və küçələrin kəsişmələrində ictimai nəqliyyat üçün ayrılmış və 5.9 (marşrut nəqliyyat vasitələri üçün zolaq) yol nişanı ilə təchiz olunmuş yerlərdə sağa dönərkən diqqətli olun və yalnız xüsusi zolaqla hərəkət edən avtobusları buraxdıqdan sonra manevr edin!
Nəzərə alın ki, adi avtomobillərdən fərqli olaraq, avtobuslar daha böyük və ağır nəqliyyat vasitəsidir, onları hərəkətə gətirmək və dayandırmaq daha çətindir, bunun üçün daha çox vaxt və məsafə lazımdır. Sərt hərəkətlər, qaydaların pozulması təhdid yaradır, yol-nəqliyyat hadisələrinin baş verməsi ehtimalını artırır, sürücü və sərnişinlərin həyatı və sağlamlığı üçün təhlükə mənbəyinə çevrilir.
Eyni zamanda, unutmayaq ki, avtobuslar istənilən minik avtomobilindən dəfələrlə daha çox sərnişin daşıyır. Gəlin, onların mənzil başına daha tez çatmasına şərait yaradaq!
Sürücülük mədəniyyəti və nəzakət qaydalarına riayət etdiyiniz üçün Sizə təşəkkür edirik!
Digər xəbərlər
30 Aprel, 2025
Beş müntəzəm marşrut xəttinə daha yeni avtobuslar cəlb edilir
30 Aprel, 2025
18 şəhərlərarası müntəzəm avtobus marşrutu müsabiqəyə çıxarılır
29 Aprel, 2025
16 avtobus marşrutu üzrə keçirilən müsabiqələrin qalibləri müəyyən edilib
25 Aprel, 2025
Beynəlxalq yükdaşımalarda icazələrin sayı 2 dəfə artırılıb və yeni növ “İcazə blankı” icazələrin siyahısına daxil edilib
23 Aprel, 2025
Paytaxtda yeni parklanma yerləri təşkil edilib
