Yük və sərnişin daşımaları həyata keçirənlər arasında maarifləndirmə tədbiri keçirilib
22 Avqust, 2025
Avtomobil
nəqliyyatı ilə sərnişin və yük daşımaları fəaliyyəti göstərən hüquqi və fiziki
şəxslərin buraxılış vəsiqəsi, buraxılış kartı, reysqabağı texniki və tibbi
müayinələrin keçirilməsi vəziyyəti və
formulyarların tərtib edilməsinin yoxlanılması və bu sahədə
qanunvericiliyə müvafiq olaraq tədbirlərin görülməsinin təbliği məqsədilə Azərbaycan
Yerüstü Nəqliyyat Agentliyi (AYNA) və Bakı Şəhər Dövlət Yol Polisi İdarəsi
(BŞDYPİ) birgə marifləndirici reydlər həyata keçirib.
Reydlər
nəticəsində 56 nəqliyyat vasitəsinin buraxılış kartı və buraxılış vəsiqəsi
olmadan fəaliyyət göstərdiyi, 4 nəqliyyat vasitəsinin texniki vəziyyətinin
reysqabağı yoxlanışdan, sürücünün isə reysqabağı tibbi müayinədən keçmədiyi müəyyən
edilib. Sürücülərlə izahedici söhbətlər aparılıb və qanunvericiliyin tələblərinə
riayət etmələri tövsiyə olunub.
Avtomobil
nəqliyyatı ilə yük və sərnişin daşımaları sahəsində daşıyıcıların
qanunvericiliyə uyğun fəaliyyətini yoxlamaq və sürücüləri maarifləndirmək məqsədilə
tədbirlər davam etdirilir.
Digər xəbərlər
22 Iyul, 2026
17, 18 iyul tarixlərində gündüz və gecə görülən işlərin xronikası
22 Iyul, 2026
"Dream Fest” ziyarətçiləri üçün AYNA tərəfindən xüsusi avtobuslar ayrılıb
22 Iyul, 2026
Azərbaycanla Gürcüstan arasında beynəlxalq yük daşımalarında elektron icazə sisteminin tətbiqinə başlanılıb
21 Iyul, 2026
Daha bir neçə istiqamət üzrə keçirilən müsabiqələrin qalibləri müəyyən edilib
17 Iyul, 2026
525 nömrəli marşrutun fəaliyyəti təkmilləşdirilir
