AYNA tərəfindən uşaqların iştirakı ilə veloyürüş təşkil edilib
01 Iyun, 2024
Azərbaycan Yerüstü Nəqliyyat Agentliyi (AYNA) tərəfindən 1 İyun – Uşaqların Beynəlxalq Müdafiəsi Günü münasibətilə uşaqların iştirakı ilə veloyürüş keçirilib. Tədbir Dənizkənarı Milli Parkda təşkil edilən mikromobillik zolağında baş tutub.
8-12 yaş aralığında uşaqlar Azərbaycanın ilk yerli velosiped brendi olan “TOBA”nın təqdim etdiyi velosipedlərlə yürüşə qatılıblar. Daha aşağı yaş qrupuna aid uşaqlar isə yürüşdə skuterlərlə iştirak ediblər.
Əvvəlcə kiçik velosipedçilərə mikromobillik vasitələrindən istifadə qaydaları, təhlükəsizlik vasitələrinin (dəbilqə) vacibliyi, yol hərəkəti qaydaları izah olunub. Yürüş iştirakçılarına “Davranış qaydaları” adlı kitablar hədiyyə edilib.
Tədbirdə uşaqların sağlam böyüməsi və fiziki fəallığının artırılmasında velosipeddən istifadənin əhəmiyyəti vurğulanıb. Sağlam həyat tərzinin uşaqlara kiçik yaşlarından aşılanmasının vacibliyi qeyd olunub.
Qeyd edək ki, AYNA tərəfindən Bakı şəhərində mikromobillik infrastrukturunun inkişaf etdirilməsi məqsədilə həyata keçirilən layihə çərçivəsində 6.5 km məsafəni əhatə edən davamlı mikromobillik zolağı yaradılıb. Zolaqlar Bakı şəhərinin əsasən mərkəzi hissələrini – İstiqlaliyyət küçəsi, Azərbaycan prospekti, Mirzəağa Əliyev küçəsi, Bülbül prospekti, Fikrət Əmirov küçəsi və Bulvar ərazisini əhatə edir. Son olaraq Bulvar ərazisində velosiped yolunun təşkili ilə digər küçə və prospektlərdə salınan velosiped yolları əlaqələndirilib və tam bir dövrə tamamlanıb.
Digər xəbərlər
30 Aprel, 2025
Beş müntəzəm marşrut xəttinə daha yeni avtobuslar cəlb edilir
30 Aprel, 2025
18 şəhərlərarası müntəzəm avtobus marşrutu müsabiqəyə çıxarılır
29 Aprel, 2025
16 avtobus marşrutu üzrə keçirilən müsabiqələrin qalibləri müəyyən edilib
25 Aprel, 2025
Beynəlxalq yükdaşımalarda icazələrin sayı 2 dəfə artırılıb və yeni növ “İcazə blankı” icazələrin siyahısına daxil edilib
23 Aprel, 2025
Paytaxtda yeni parklanma yerləri təşkil edilib
